चुनावमा पराजित भएकालाई राष्ट्रिय सभामा लैजान लागेकोप्रति साझा पार्टीको विरोध

चुनावमा पराजित भएकालाई राष्ट्रिय सभामा लैजान लागेकोप्रति साझा पार्टीको विरोध

कोरोना संक्रमणपछि उत्पन्न परिस्थितिप्रति सरकार उदासीन बनेको साझा पार्टीले ठहर गरेको छ ।

पार्टीले विज्ञप्ति निकाली कोरोना संक्रमणपछि उत्पन्न परिस्थितिबाट अप्ठ्यारोमा परेका नागरिकहरूको समस्या समाधान गर्नेभन्दा चुनावमा पराजित भएकाहरूलाई राष्ट्रिय सभामा लैजान लागेकोप्रति साझा पार्टीले विरोध जनाएको छ ।

विज्ञप्तिमा भनिएको छ, ‘कैयौँ नागरिक खान नपाएर मर्दै छन्, बिरामीहरू अस्पताल नपाएर मर्दै छन् । कोरोना संक्रमणले दिनप्रतिदिन भयावह रूप लिँदै छ । यस्तो अवस्थामा पनि सरकार कमिसन, ठेक्कापट्टा, शक्तिसंघर्ष, राजनीतिक षड्यन्त्र र चुनाव हारेकालाई राष्ट्रिय सभामा लैजाने प्रपञ्चमा व्यस्त छ ।’

साझा पार्टीले विपत्तिमा जनतालाई राहत प्रदान नगर्ने हो भने सरकार केका लागि हो ? भन्दै प्रश्न पनि गरेको छ ।

साभार: नयाँ पत्रिका

0